يا وحيد

هات القلم ياوحيد يالقرم نبراه
لعل جيلك ريف خضراًمراعيه
ياوحيد عود قلبك الحب بصباه
واحذر تلده عن هقاويه تعميه
لا ياثمر حبي وسوره ومبناه
الى نوى لاتعترض له تعنيه
لعل قلبٍ ماتعود عاى الاه
ولا شكى بلواه من بعد غاليه
يعطى العمى عن كل دربٍ تهقواه
ولا تجف عروقه اللى تغذيه
الحب للقلب الخضر ماه وغذاه
اسعد ليال العمر عندي لياليه
اللى مسح دمعي بيمناه مانساه
جددشبابي وسدن كل اياديه
راعي ****ٍ راجح العقل تسباه
حمرٍ ثمرها كاربات ثناديه
والعين عين اللى يفزز بمفلاه
مذيره زولٍ صباح امس راميه
ملا زمن دايم خياله وطرياه
لو غاب عني كن عيني تراعيه
حقه علي اسعى بدنياي لرضاه
وهو يجنبني مخاطر تغليه
الذ مابالحب للقلب شكواه
البعد مايقواه والقرب يضنيه
ايامنا متنوعات عطاياه
شيٍ نماري به وشي نخفيه
لولا المراره حلوها ماعرفناه
لولا المحبه هاجسي وين اسريه
لولا الوصل والهجر بايام عشناه
والشوق والنسيان للناس تدليه
لولا الرجا يجلي عن النفس بلواه
يضفي على نفس المعذب ويشفيه
كان الحياه من الملل مابغيناه
لا صار تالي عمرنا مثل ماضيه
حتى زرعك على ماتمناه
لابد ماتسبح عرق قبل تجنيه