تعرف على التورنت

السلام عليكم ورحمة الله وبركاته


اكيد معظم الناس سمعت عن التورنت بس مش كله بيعرف يتعامل معاه

بكل بساطة التورنت هوة اسهل طريقة تنزل بيها اي حاجة من على النت من غير تقطيع او انتظار سخيف زي الرابيدشير وغيره


1-في الاول في حاجة اسمها ملف تورنت (torrent file) وده مساحته صغيرة جدا ممكن تجيبه من على ماقع التورنت زي
www.torrentz.com
www.torrentz.ws
وفي مواقع كتير بس احسن موقع هوه الاولاني ودي طبعا مواقع بحث بتكتب فيها اسم الفيلم او اللعبة او البرنامج وتبدا تنزل ملف التورنت الصغير

2-لازم يكون في برنامج تورنت يعرف يتعامل مع الملف ده وهوة حاجة شبيهة ببرامج التنزيل العادية زي ال idman وافضل بنامج تورنت هوة(u torrent) برده برنامج صغير ممكن تنزله من موقع www.download.com هتعمل بحث باسم البرنامج وتنزله

3-كده بقى عندك كل حاجة تقدر تخليك تنزل اللي انت عوزه ملف التورنت و برنامج التورنت

4-تبدا تحط الملف جوة البرنامج وتبدا عملية الdownload

5-طبعا السرعة بتعتمد على سرعة النت عندك وعلى الملف بتاع التورنت حسب عدد البيرز

6-البيرز peers هما الاشخاص اللي بتتعاون معاهم وبينقسمو الى حاجتين
اشخاص عندها البرنامج او الفيلم وانت بتاخد منهم
اشخاص معندهمش البرنامج زيك وانت بتديهم من الجزء اللي انت عملتلهdownload
يبقى لازم علشان تختار ملف تورنت كويس يبقى عدد الاشخاص المالكين اكتر


مميزات التورنت


1-نفس فكرة الرابط المباشر يبقي ننسى ذل الرابيدشير
2-مكن توقف عملية الdownload وتكملها في اي وقت انت عايزه
3-ممجن تعمل جدول لتنظيم عملية التنزيل
4-ممكن تخلي البرنامج يطفي الكمبيوتر بعد اتمام عملية التنزيل او يعمل hibernate حسب ما انت عايز



في الاخر انا كتبت الموضوع للاستفادة المحترمة من التورنت

وانا غير مسؤول عن اي استخدام سيئ للي انا قلته

اللهم اني قد بلغت اللهم فاشهد