دروس الحب

هاذي يميني والعهد جتك تمضيه
أنـا حبيبـك دام هـاذي يمينـي

أنا عطيتك صاق الحب .. صافيه
جيتك وقلبي شايله فـي يدينـي

قلبي أمانه لا يجي يـوم ترميـه
دامك خذيت القلب خلـك أمينـي

مالي بهالدنيـا حلـيٍ يضاهيـه
ياكود زولك يا بعد نـور عينـي

قلبٍ يودك ليتـك اليـوم تحميـه
بين الحنايا لا يجي لـه حنينـي

راع الهوى مسكين قلبه معنيـه
تلعب به الأشواق في كل حينـي

لا صار خصمه قاضيٍ في دعاويه
ضاعت براهينه وحكمه سجينـي

شفت الغلا وشلون راعيه يهديه؟
لا صار حبه ساطـعٍ بالجبينـي

هاذي دروس الحب يا جاهلٍ فيه
ترى حلاة الحـب خلـه يبينـي

أما تمد الوصل والسلـم تمشيـه
وألا نسجل مـوت حـبٍ دفينـي